വിവാഹപ്രായം.....

കേരളത്തിലെ മുസ്‌ലിം സംഘടനകളിലെ നായകന്മാരെല്ലാം ഒന്നിച്ചു കൂടി സ്ത്രീധനം വാങ്ങിയുള്ള വിവാഹങ്ങൾക്ക് ഞങ്ങളാരും കാർമികത്വം വഹിക്കില്ല എന്നൊരു തീരുമാനം എടുത്തിരുന്നുവെങ്കിൽ അതീ സമുദായത്തിലെ പാവപ്പെട്ട പെണ്‍കുട്ടികളുടെ ജീവിതത്തിന്റെ ഗതി മാറ്റിമറിക്കുമായിരുന്നു. വിവാഹ പ്രായം കുറക്കാൻ വേണ്ടി സുപ്രിം കോടതിയിൽ പോകുന്നതിനു പകരം അത്തരമൊരു ധർമ സമരത്തിന് നേതൃത്വം കൊടുക്കാനുള്ള ആർജവം കാണിച്ചിരുന്നുവെങ്കിൽ അതൊരു പുതിയ നവോത്ഥാനത്തിന്റെ തുടക്കമാകുമായിരുന്നു.ഓരോ മഹല്ലിനും സമുദായത്തിലും സമൂഹത്തിലും സ്വോതീനമുള്ള വ്യക്തികള്‍ ഉണ്ട് അവര്‍ക്ക് തന്നെ ഒരു കമ്മിറ്റി കൂടി നിമിഷനേരം കൊണ്ട് തന്നെ സ്ത്രീധനത്തിനു എതിരായ പ്രവര്‍ത്തനത്തിന് തുടക്കം കുറിക്കാം അതിനു പിന്തുണയുമായി മഹല്ലിലെ ഭൂരിഭാകവും പിന്തുണക്കുകയും ചെയ്യും,മാസത്തിലെ വരുമാനം പിരിക്കുവാനും അത് തിട്ടപെടുത്തുവാനും പള്ളിമദ്രസ്സകളുടെ അറ്റകുറ്റപ്പണികള്‍ നടത്തുവാനും മാത്രമായി ഒരു മഹല്ല് കമ്മിറ്റിയുടെ ആവശ്യം ഉണ്ടോ?
 അതുപോലെ തന്നെയാണ് മഹല്ലിലെ പണ്ഡിതന്മാരുടെയും കടമ .,അവര്‍ക്കും ഈ സമുദായത്തോട് സമൂഹത്തോട് ഒരുപാട് കടപ്പാടുകലുണ്ട് ഒരു പാതിരാ പ്രസംഗത്തിലും പള്ളിയില്‍ ഇമാം നില്‍ക്കുന്നതിലും അപ്പുറം ഒരു ഉത്തരവാദിത്വം അവരില്‍ നിന്നും ഉണ്ടാവുന്നില്ല ഈ സമൂഹത്തിലേക്ക് ഇറങ്ങി ചെന്ന് നന്മ പ്രചരിപ്പിക്കുവാനും അനാചാരങ്ങള്‍ക്കെതിരെ ബോധവല്‍ക്കരിക്കുവാനുമുല്ല ആര്‍ജ്ജവം കാണിക്കേണ്ടതുണ്ട്