റമദാന്‍ തുടക്കത്തില്‍ പ്രഖ്യാപിച്ച പദ്ധതിയിലേക്ക് സംഭാവന സ്വീകരിക്കുന്നത് റമദാന്‍ 19ന് നിര്‍ത്തിയിരുന്നു.പുണ്യറമദ
ഇതുവരെ വിതരണം ചെയ്തതില്‍ ഏറ്റവും കൂടുതല്‍ പേര്‍ക്ക് വസ്ത്രം നല്‍കിയത് ഇന്ത്യയിലാണ്. രണ്ടു ലക്ഷം ഇന്ത്യന്‍ കുട്ടികള്‍ക്കാണ് പുതുവസ്ത്രം വിതരണം ചെയ്തത്.ജുലൈ 11ന് തുടങ്ങിയ കാമ്പയിനില്‍ ആദ്യ പത്തുദിവസം കൊണ്ട്തന്നെ ലക്ഷ്യം നേടിയതോടെയാണ് ഗുണഭോക്താക്കളുടെ എണ്ണം വര്‍ധിപ്പിക്കാന്‍ ദുബൈ ഭരണാധികാരി ഉത്തരവിട്ടത്. 10 ലക്ഷം കുഞ്ഞുങ്ങള്‍ക്ക് ഇതിനകം വസ്ത്രമെത്തിച്ചതായി ഇതിന് നേതൃത്വം നല്‍കുന്ന റെഡ് ക്രസന്‍റ് വൃത്തങ്ങള്‍ അറിയിച്ചു.
ഈജിപ്ത്-ഒരു ലക്ഷം, യെമന്‍-ഒരു ലക്ഷം, പാക്കിസ്ഥാന്‍-ഒരു ലക്ഷം, ലബനന്‍-അര ലക്ഷം, സെനഗല്‍-20,000, ബോസ്നിയ-8,000, അല്‍ബേനിയ-5,000, ജോര്‍ദാന്‍-5,000 എന്നിങ്ങനെയാണ് വസ്ത്രം വിതരണം ചെയ്തതിന്‍െറ കണക്ക്. 46 രാജ്യങ്ങളിലെ കുട്ടികള്‍ക്കാണ് വസ്ത്രമെത്തിക്കുന്നത്. ഇന്തോനേഷ്യ, വെസ്ററ് ബാങ്ക്,ഗസ്സ,മെക്സിക്കോ, ജര്‍മനി, ദക്ഷിണാഫ്രിക്ക,കെനിയ, അഫ്ഗാനിസ്ഥാന്‍, റുമാനിയ, തായ്ലന്‍റ്, എതോപ്യ, മലേഷ്യ തുടങ്ങിയ രാജ്യങ്ങളില്‍ വരും ദിവസങ്ങളില്‍ വസ്ത്രമെത്തിക്കും.
